اليوم جبت لكم واحد الطريقة زوينة باش تنضفي الزربية ديالك كاين الي كيقوليها التركية كل بلد واللغة ديالو بدون استعمال كترة الماء.
ادن كتسرحي الزربية ديالك كتشدي واحد البانيو ديري فيه شويا ديال الماء زيدي عليه منضف البيت الي كتستعملي بحال سانيكروا ديال الحامض او الخزامه...وزيدي شويا ديال التيد حركيه مزيان وهزي الشطابة خشيها فداك السطل او البانيو الي خلطي فيه دوك المواد الي قلتليك وسوسيها شويا وشطبي نتي كتشطبي وكتدوزي عليها فوطة نضيفة ناشفة.
كرري العملية حتى تسالي من الزربية كلها وهزيها ونشريها تشمش شويا وهزيها فرشيها غادي يكولوليك واش عاد شريتيها.
