دجاجتي مجمرة وبنينة
المقادير
دجاجة مغسولة بالحامض والملحة
معدنوس راس كبير ثوم
ملعقة موطارد
تحميرة
خرقوم
ملح
ابزار
ملعقة زيت الزيتون
ربع كاس ماء
2 بصلات كبار
الطريقة نشرملو دجاجة في الليل مزيان ونخليها في الثلاجة ...فاش نجي نطيبها نحطها على صدرنقطع عليها البصلة ونسد كوكوت نصف ساعة مع النار ناقصة الى اقصى درجة وكل مرة نحرك كوكوت بيدي باش متلصقش في القاع ويكون عندها الوقت تطلق الماء ديالها
غير طيب نحيدها ونحطها في الفران
نفور لسان الطير 3 مرات ونحطها في المرقة لي تكون طلقت دجاجة ونخلي 5 دقائق تتشربها ونطفي النار ونسد كوكوت عليها
رافقتها مع بطاطا مفورة ومشرملة بنفس الشرمولة لي شرملت فيها دجاجة الدجاجة
ممكن تنوعي في الخضر وتحطي لي بغيتي
[img]
[ندعوك للتسجيل في المنتدى أو التعريف بنفسك لمعاينة هذا الرابط][/img]
طويجين بالحمام منسم بزيت اركان
نحتاج للحمام انا قسمتو على 2
بصلة
تومة محكوكة
بزار
سكينجبير
خرقوم بلدي
راس معلقة قرفة
ملح
قليل من زيت رومية
كنقلي الحمام مزيان مع البصلة والتومة والملح والزيت
من بعد نضيف العطرية ونقليه غير شوية ونمرق بحساب للي غيطيب لينا الطاجين
من بعد ميغلا المرق نستف الخضرة للي هي بطاطا وخيزو
من بعد ندير في الوسط مطيشة مقطعة ومحيدين ليها الزريعة والمعدنوس مقطع او قزبر
وفليلفة حارة من بعد نرش العطرية للي سبق ودرت فوق الخضر ولكن غيييييييير شوية
ونسد عليه ونخليه يطيب على عافية مهيلة
من بعد ما طاب ندوز عليه واحد الخويط ديال زيت اركان ونطفي عليه العافية
[img]
[ندعوك للتسجيل في المنتدى أو التعريف بنفسك لمعاينة هذا الرابط][/img]
طاجين القرعة الحمراء ولبطاطا بنين والله متندمو
اخواتي العزيزات كنتمنى تكونو كاملات بخير بغيت نقوليكم بان هاد طاجين من ألد ما يكون وبغيتكم تجربوه لاو غيعجبكم بزاااااااااااااف وعلى ضمانتي حيث القرعة الحمرا كتجي زوين بهاد الطريقة
ندوز للطريقة بسم الله على بركت الله
كنديرو طاجين فوق البوطة كندير زيت زيتون بصلة مشلضة +ثوم انا عندي ثوم غبرة نتوما ديرو ثوم محكوك ثم دجاج على حسب الاشخاص ونخليوه اتقلى ملييييييييييييييح ثم نديرو ثوابل ملح+بزار+سكينجبير+قرفة+تحميرة+ضامة زعفران حر+زعفران بلدي
من بعد كنزيدو بصلة مقطعة طويلة ثم القرعة حمراء مقطعة مربعات ثم مطيشة+ربيع مقرض ثم بطاطا +زيتون ولحامض+فلفلة حارة انا مكانتش عندي كانت عندي مرقدة وونديرو ليه شوية لما
ونخليوه يطيب كيجي بنين كنتمنى إعجبكم ياربي
بصحتكم عزيزاتي الغاليات على قلبي
[img]
[ندعوك للتسجيل في المنتدى أو التعريف بنفسك لمعاينة هذا الرابط][/img]
2 اطباق دجاج من الد مايكون
بسم الله الرحمن الرحيم
اخواتي غنعطيكم 2 طرق فنين ولداد للدجاج وصراحة تيجي مقرمش ولديد نخليكم مع المقادير والطريقة
المقادير
فخيضات الدجاج على حسب الاشخاص
معلقة صغيرة من كل التوابل ملح زعتر سكسنجبير خرقوم بلدي ابزار 2 دريسات التومة 2 معالق كبار خل 2 معالق كبار موطارد 1 معلقة كبيرة قزبر مدقوق( يمكن ليكم تعوضوا موطارد بدانون مسوس ) 2 معالق كبار صلصة الصوجا هدا الخلطة غنستعملها للاطباق بزوج
نخلط جميع العناصر ونرقدهم فالفخيدات مدة ساعة اواكتر
من بعد نعملهم يتبخروا فالكسكاس مدة 20 دقيقة
ندوزو دبا للطريقة التانية
ناخد هبرة بيبي او هبرة الدجاج على حسب الموجود عندك في الدار نفرش ميكة غدائية ونحط اطراف الدجاج ونغطي بالميكة وناخد المدلك ونبق نضرب فيهم حت ترقاق عندنا الهبرة وتولي كلوريقة
ناخد خيزو نقطعوا مربعات صغار مصلوقين في ماء مملح
بطاطة مصلوقة في ماء مملح ونعركوها وهي سخونة شوية كاشيرالسوريمي محكوك شوية فروماج احمر محكوك شوية الربيع مكرد وطبعا لهبرة لتنكونوا رقدناها فنفس الترقيدة لي عطيتكم فالاول
تناخد الميكة الغدائية ونسرحها ونحط فيلي تاع الدجاج ونبدا نعمر ندير شوية بطاطة خيزو كاشير فرماج احمر وفي الاخير الربيع ونلويه بحال شكل الفقاص
نجمعوا مزيان من الجنب ونعملوا فالكسكاس يتبخر مدة 20 دقيقة
هنا الشهيوات طابوا مزيان
[img]
[ندعوك للتسجيل في المنتدى أو التعريف بنفسك لمعاينة هذا الرابط][/img]
تناخد الصلصلة لي شاطت لي من الاول او الا مشاطتش تنكتفي غي بشوية موطارد وصلصلة الصوجا نخلطهم مزيان وندهن بيهم الدجاج وندوزهم فالكورن فليكس بعدما نكون هرمشتوا شوية بالمدلك الصور تتوضح ليكم المراحل الا مكانش عندكم الكورن فليكس يمكن ليكم تعوضوه بلاشابلير او الخرطال او الزنجلان حت هما تيعطيوه مداق زوين وتيجي مكرمل وندخلهم للفرن يتحمروا
وهاهما ملي وجدوا نتمنى تجربوهم ويعجبوكم
[img]
[ندعوك للتسجيل في المنتدى أو التعريف بنفسك لمعاينة هذا الرابط][/img]
الروز بطريفات الدجاج وصلصة الطماطم :: متشبعيش منو ::
بالنسبة للمقادير فهي عينك ميزانك أو حسب عدد الأشخاص
كنحتاجو الروز
زيت بلدية
2 حبات هيل ( كل مازدنا الروز نديدو الهيل باش يجي مذاقه باين )
2 حبات نويويرة
عود قرفة
شوية إبزار وسكنجبير
ملح
الطريقة : كنسخن الزيت ونسخن فيه العطرية وغير تطلع ريحتها نضيف عليها الروز ونشحرو 2 دقايق تقريبا ونضيف ضعف قياس الروز من الماء
يعني إدا عملت كاس د الروز نعمل زوج كيسان د الماء وطبعا إدا احتاجيت أكثر نضيف شوية بشوية حسب نوعية الروز
نخلي الروز يتشرب مزيان وينشف وندوز عليه بالفروشيط باش نفرق الحبات
مقادير الدجاج : 300 غ من هبرة الدجاج ممكن أقل أو أكثر حسب المتوفر
5 حبات طماطم مقطعة مكعبات صغيرة
شوية قزبور
3 م ك صلصة طماطم خفيفة
زيت بلدية
ملح + إبزار + كامون + سكنجبير + تحميرة + م ص توابل شوارمة الدجاج
ممكن تعملو شوية د الثوم أنا عندي محظورة فالدار هههههههههه
شوية لوز للتزيين ( إختياري )
الطريقة : نخلط الدجاج مع كل التوابل والزيت ونشحرهم مزيان ونضيف الطماطم والقزبور والصلصة ونخلي الكل يطيب
نخليهم يشربو شوية ونطفي عليهم ونقدمهم
[img]
[ندعوك للتسجيل في المنتدى أو التعريف بنفسك لمعاينة هذا الرابط][/img]
طريقتي في طياب الدجاج محمر لي كلشي كيحمق عليها
أول حاجة كنشدو الدجاج كنغسله مزيان مزيان بالملح او الحمض او كنقيوه مزيان مزيان من الداخل من بعد كنغسلوه مزيان مزيان او كنديره يقطر او كنشدو بانيو كندير فيه حمضة معصرة+البزار +القزبر+سكنجبير كنشدو هاد الخليط او كنرقدو فالدجاج من الدخل خليت الدجاج بات فالشرمولة ليلة كاملة فتلاجة الغد ليه جبدتو او قطعت البصلة كنشدو الطنجرة كندير فيها الزيت البلدية +شوية ديال الزيت الرومية كيسخنو كنشدو البصلة كندرهة فالطنجرة او كنخليها تقلا
كنضفو عليها المقادير التالية البزار +سكنجبير +الزعفران +التومة معصرة +القزبر +معلقة كبيرة ديال السمن +القلب ديال حمضة مسيرة ...الملح مكندروش حيت الدجاج مرقد فيه كنضفو جميع المقادير فوق البصلة كنحركو مزيان مزيان تم كنحطو الدجاج فالطنجرة او كننقس البوطة عليه كلها او كنخلي البصلة تطلق الماء ديالها ليبيه كيطيب الدجاج على خاطرو كنشدو لغلقة ديال الطنجرة او كنحطو فكها الزعفران شعرة يسخن مزيان توم كنحكوه بالكف ديالنا او كنديره فالدجاج او كنسد الطنجرة
كنشدو لقشوش ديال الدجاج كنغسلهم مزيان او كنديرهم فكسرنة فيها شوية ديال الماء يتسلقو نصف سلقة باش يبقاو صينين او ما يتفرتتوش منين نضفهم على المرقة ديال الدجاج
من بعدما طاب الدجاج كنحيدوه او كنحطوه على جنب او كنرميو فالمرقة ديال الدجاج هدوك لقشوش بعدما صفنهم من الماء مزيان توم كنضفو الزيتون أنا درت الزيتون ديال الدار رقدتو أنا كنبداو نقليو فالدجاج كنخليو المرقة حتى كتشرب مزيان او توقف او تولي خاترة عاد كنطفيو عليها او كنشدو أجلوف ديال الحمض مسيرين كنقطعهم طوال او كنزوقو بهم الدجاج او بصحتكم او راحتكم
[img]
[ندعوك للتسجيل في المنتدى أو التعريف بنفسك لمعاينة هذا الرابط][/img]
