صفحة للامثلة الشعبية

الهم المنحوس, خليتو فدار با لقيتو فدار العروس

أش خاصك العريان الخواتم آمولاي

زواج ليلة تدبيره عام

تا تطلب الزيت من السفناج

الفقيه اللي نتسناو براكته ادخل للجامع ببلغته

إيلا ارخص الشعير اغلات الحمير

نجيمة كتب:

اللي حار حار بلا هريسة بلا ابزار

هههه

الحمار مخبي ووذنيه برّا

اجيو تعلمو الحسانه في روس اليتامه

احمر يا المشكورة، دبحو الجرو وصلاو على الهيدورة

الكلب الى ما نبح ماعند مولاه فيه ربح

لي ضروا رسوا, اعاود لرسوا

مبعيدة غير تادلة اما سبع حمير موجودة

حزموني ورزموني ولا تعولو عليا

اللهم النعاس في الخلا ولا ضيافة البخلا, اللهم النعاس في البرد ولا ضيافة القرد

اللي تيشطح ما تيغطيش وجهو

كل قرد في عين مو غزال

الرجل بالهمة أما اللحية راها حتى عند العتروس

هبيل تزوج هبيلة وتهنات القبيلة

العتبة مجرودة والركاني بالدودة

لو كان الحمام تيبيض كون بيض قبابو

الزين تيحشم على زينو والخايب الا هداه الله

اللي تسحر مع دراري يصبح فاطر

(لفياقة) بكري بالذهب مشري

باش تاكل الشوك أ عمي الجمل, باللسان لحلو

لعروسه فوق الكرسي معرفتي فين ترسي

لوجه المشروك عمر ما يصف

الجديد جديد و لبالي لا تفرط فيه

دير ما دار جارك ولا حول باب دارك

الدوام تيهرس الرخام

دارنا ساترة عوارنا

عين بنادم مايعمرها غي التراب

جا يكحلها عماها

ختار الجار قبل الدار

سال المجرب ماتسال الطبيب

شكون يحك القرع غي ظفارو

عشرة د ليهود على قنفود ومادبحوه

اللي مشى بلا عراضة يجلس بلا فراش

لمكسي بديال الناس عريان

عند رخصو تخلي نصو

يدك منك واخا تكون مجدامه

-------

[ندعوك للتسجيل في المنتدى أو التعريف بنفسك لمعاينة هذا الرابط]