أسرارمطابخ ◄ سر من عندي ومن عندك وإفادة عاامة

سلام الحادكات جبتلكم واحد لفكرة نتمنى تعجبكم


كاين اطباق معروفة ومشهورة و لكن مللي ضوقيها عند شي وحدة من الناس اللي كتعرفي ولا الجيران


وانت كتعرفي طريقتها و لكن ضروووري مكتساألي مع راسك شنو سر الطبخه اولى تقدير تسوليها : يا فلانه شنو دايره فيها
ضروري متقولي فيها شي حاجه خطييره

كل وحدة مننا عندها طريقتها او نفس الطريقه بحال كيفما كيقولون في الطياب واحيانا كنضيفو بعض الاضافات اللي كتخلي الاطباق مميزة

هاذا علاش حبيت نفتح هاد ملف ونتشاركو فيه جميعنا بحيث كل وحدة تضيف شي من اسرارها وتقولينا لمساتها في الطبخ .

نبدا ليكم انا بمثال ونبغيكم تشاركوني لاني لاحظت ان منتدانا الغالي و الانيقات اللي فيه ما شاء الله كلهم طباخات واكيد عندهم الكثير من الاسرار

اذن اسمحولي ابدأ ....

بحال الكيك على سبيل المثال
كاين اللي يبقا يبزر فيه و طرب ياما طرب و مكطلعلهااش
و السر ديالي هو خميرة ديال الخبز
قبل مديري الدقيق كديري جهد معلقه صغيره خميره ديال الخبز
و تحركيها حتى ذوب و ديري الدقيق و خميرة الحلوى

و عندي سر اخر في الكيك كيخلي الكيك مفرقعه بحال الى مفرقعه فيها قنبوله ههههه هو كاااس ديال الماء باااارد كديريه مع المقادير سوى في الاخير سوا في الاول كيطلع الكيك مزياااان و كتجي عااااليه كتحممق
وهاكدا غيبقااااو ديما يسولوك على السر

المهم عندي ليكم بزاااف ديال الاسرار في بزاف ديال الحوايج
ولكن ضروري نتقاسمو خبراتنا و نوسعوهم بيناتنا باش اللي عندها شي راجل توصليه لقلبو كيفما كيقولو اقرب طريق الى قلب الرجل معدته ههه و اللي مازال بحالي معندها راجل باش تلقاه تلفو على القبله ههههههه

مرحبا بقاي معايا وانا نردك شاف نجيمة